Prófarkalestur

Ert þú að fara að skrifa mikilvæga ritgerð eða aðra ritsmíð? Vantar þig aðstoð við textaskrifin? Hvort sem þú þarft aðstoð við að útrýma innsláttarvillum, málvillum eða ambögum, er ég rétta manneskjan fyrir þig. Þú einbeitir þér að því að koma skilaboðunum á framfæri - ég sé til þess að þau séu á vönduðu máli.

Ég hef einnig tekið að mér að leiðbeina fólki við textasmíðar, þannig að textinn verði þægilegri og auðlesnari. Til að halda athygli lesandans, þarf textinn að vera beinskeyttur og markviss og þar get ég komið að liði.

Umsagnir

Eydís Salbjörg Haraldsdóttir, BA í félagsráðgjöf:

Hún Hófí er algjör meistari! Ég hafði samband við hana þegar ég var að leggja lokahönd á BA-ritgerðina mína í félagsráðgjöf. Hún tók mjög vel á móti mér og skildi mínar aðstæður, með ADHD og námsörðugleika, meðal annars hversu mikil hindrun ritgerðin var orðin fyrir mér.
Þökk sé Hófí þá fékk ritgerðinni mín nýtt líf. Hún kom textanum mínum yfir á faglegt mál og gaf mér ráðleggingar sem að mínu mati gerðu ritgerðina mína enn þá betri.
Ég er henni ævinlega þakklát og mæli virkilega með henni!

Eydís Salbjörg, febrúar 2024.

Guðný Lára Guðrúnardóttir, BA í lögfræði:

Ég ákvað að hafa samband við hana Hólmfríði eftir að ég ráðfærði mig við samnemanda minn sem gaf henni einstaklega góð meðmæli. Hólmfríður stóð vel undir þeim meðmælum samnemanda míns og gott betur en það. Get ég ekki annað en þakkað henni innilega vel fyrir vel unnið starf, hún las hratt og örugglega yfir og kom með mjög gagnlegar ábendingar. Ég er henni einstaklega þakklát.

Guðný Lára Guðrúnardóttir, maí 2023.

Einar Ágúst Einarsson, BA í viðskiptafræði:

10/10 ⭐️
Ég fann vefsíðuna hennar Hólmfríðar deginum fyrir skil og hún bjargaði mér alveg. Frábær prófarkalestur, snögglega afgreitt og einnig fékk ég mjög góðar leiðbeiningar um hvernig ég ætti að raða köflunum í ritgerðinni. Ég mæli hiklaust með henni!

Einar Ágúst Einarsson, maí 2021.

Selma Jónasdóttir, grunnskólakennari

Eftir ábendingu fékk ég Hólmfríði Gestsdóttur til þess að prófarkalesa meistararitgerð (M.Ed.) sem ég nýverið lauk við. Ég hafði samband við hana með stuttum fyrirvara þar sem ég hafði ekki ætlað mér endilega að láta prófarkalesa ritgerðina. Hólmfríður brást skjótt við beiðni minni og vann verkið hratt og ákaflega vel og af mikilli nákvæmni. Ábendingar og tillögur hennar voru faglegar og bættu textann og ég var ákaflega sátt við hennar framlag. Allar tímasetningar stóðust. Hólmfríður Gestsdóttir fær mín bestu meðmæli.

Selma Jónasdóttir, febrúar 2021.

Berglind Ósk Ásgrímsdóttir og Aþena Ýr Káradóttir,
BA í félagsráðgjöf:

Við heyrðum í Hólmfríði með mjög stuttum fyrirvara, til að fara yfir BA-ritgerðina okkar. Fljót og góð þjónusta. Hún lagaði texta, málfarsvillur og kom með góðar athugasemdir. Hólmfríður fær okkar bestu meðmæli.
-Aþena Ýr og Berglind Ósk, apríl 2024.

Bjarki Már Magnússon, lögfræðingur:

Hólmfríður las yfir meistararitgerðina mína í lögfræði vorið 2022. Ábendingarnar sem hún kom með voru mjög góðar og bættu ritgerðina mikið. Einnig kom hún með útskýringar varðandi málfar og orðalag sem mun gagnast mér í starfi mínu. Hún fær mín bestu meðmæli!
Bjarki Már Magnússon, maí 2023.

Katrín Magnúsdóttir, kennari (M. Ed. í kennslufræði):

Hófí las yfir meistararitgerðina mína veturinn 2019-2020. Hún er nákvæm í yfirlestrinum og kom með gagnlegar ábendingar um bætt málfar og uppbyggingu setninga. Mér fannst frábært að vinna með henni og hún var mér ávallt innan handar ef ég hafði einhverjar spurningar eða lenti í vanda með töfluskrár o.fl. Ég mæli hiklaust með henni.

Katrín Magnúsdóttir, janúar 2020.

Edda Laufey Laxdal, lögmaður:

Hólmfríður las yfir meistararitgerðina mína í lögfræði vorið 2016. Sem yfirlesari stóð hún sig einstaklega vel, hún skilaði alltaf af sér á umsaminni dagsetningu. Einnig voru útskýringar á betrumbættara orðalagi sem ég lærði mikið af. Hólmfríður er þægileg í samskiptum, fagmannleg og mæli ég hiklaust með henni sem yfirlesara!

Prófarkalestur

Um mig

Stuðningskennsla

Fyrir útlendinga

Hafðu samband